|Tovery留言板| |版主主頁| |版主管理| |免費申請| |功能特色| |虛擬主機|  

Dayo IceRoom StandUp Comedy 09

歡迎光臨!聊天前請注意以下事項:

1. 本區為討論【嘩眾取寵】而臨時設立,請集中討論與該節目有關內容。

2. 欣賞節目前請勿進入此區及閱讀聊天內容,以免影響欣賞指數。

3. 除了引用節目內容,本區不接受任何粗言穢語。

4. 請勿爭吵,這裡是和平的冰室 :)

enjoy!

 



新增留言 | 搜尋留言


留言作者/內容〈60〉

K

請問有無朋友打算放飛?因為我買唔到飛呀!

 回覆此篇留言回覆   Hidden:   2009/9/14 下午 07:57:42 ()

留言作者/內容〈59〉

Meko

各位愛子華的fans, 我新黎嫁, 我都好like 黃子華佢做人同佢o既才華, 但我今次買唔到飛呀,yahoo 果d 衰人抄到好貴, 我唔會助長佢地, 今日再上yahoo 睇, 佢地竟然賣到成$900一張飛, 所以我都係無買到。各位唔知dayo 佢出年或今仲會唔會開楝篤笑呢?我好想睇呀.....

 回覆此篇留言回覆   Hidden:   2009/9/13 下午 11:40:08  回覆:2009/9/14 下午 07:24:29  ()
【lawing回覆】
今年
仲有澳門、加拿大、內地(廣州)

報章傳聞明年紅館開~

2009/9/14 上午 01:37:32 - 1樓  回覆此篇留言回覆

【Meko回覆】
唔該晒呀, 如果出年紅館開, 我希望可以買到飛啦﹗到時如果開始賣, 通知小妹一聲, 謝謝﹗

2009/9/14 下午 07:24:30 - 2樓  回覆此篇留言回覆

回覆此篇留言回覆此篇留言

留言作者/內容〈58〉

tobey

黃子華棟篤笑今晚取消
 (明報)2009年9月14日 星期一 16:50
康文署    宣布,由於強烈熱帶風暴    關係,原定於今日晚上八時,於伊館舉行的一電通黃子華棟篤笑現告取消。

哇,,,取消?!
禁D票點牙...佢地冇得睇?
but大風大雨,,我都希望dayo係屋企好過出去..
太危險啦

 回覆此篇留言回覆   Hidden:   2009/9/14 下午 05:34:29 ()

留言作者/內容〈57〉

lawing

【尋人】

阿強,你仲有冇黎?
有野想問你呀
見字請留言回覆~

 回覆此篇留言回覆   Hidden:   2009/9/12 下午 07:57:56  回覆:2009/9/14 上午 01:56:39  ()
【lawing回覆】
尋呀尋呀尋呀~~ XDD

2009/9/13 上午 01:20:02 - 1樓  回覆此篇留言回覆

【企鵝回覆】
老闆娘你.........XD

2009/9/13 上午 03:54:59 - 2樓  回覆此篇留言回覆

【lawing回覆】
咩樹?
我搵阿強之嘛
又唔係搵你
搭咩嘴丫! XDDDDDDDDD

阿強~~你還在嗎~~~~? XDD

2009/9/13 上午 11:17:16 - 3樓  回覆此篇留言回覆

【(企鵝扮的)阿強回覆】
我係度呀XD
搵我咩事?XDDDDDDDDDDDDDDDDDD

2009/9/14 上午 01:56:39 - 4樓  回覆此篇留言回覆

回覆此篇留言回覆此篇留言

留言作者/內容〈56〉

BoNnIe

今日聽到渣打出 150 蚊銀紙, 大笑左, Wahaaaaaaaaaaaaaaaaaaa~~~~~~~~~

 回覆此篇留言回覆   Hidden:   2009/9/8 下午 06:47:44  回覆:2009/9/14 上午 01:53:32  ()
【RAIN回覆】
係唔係用張100蚊釘住張50蚊咋....XD哈哈哈

2009/9/8 下午 07:51:32 - 1樓  回覆此篇留言回覆

【企鵝回覆】
應該係響張$100紙度釘5張$10紙XD

2009/9/8 下午 08:55:17 - 2樓  回覆此篇留言回覆

【lawing回覆】
DAYO D預言好準.... XDDDDDD

2009/9/9 上午 01:26:30 - 3樓  回覆此篇留言回覆

【AVRIL回覆】
唔係掛???~~~!難以想像!!!!XD

2009/9/9 上午 05:41:43 - 4樓  回覆此篇留言回覆

【LAWING回覆】
張$150 好肉酸XDDDDDDDDDDDDDDDDDDDDDDDDDDDDDDDD
我都係自己用釘書機釘出黎算XDDDDDDDDDDDDDDDDDDDDDDDDDDDDDDDDD

2009/9/9 上午 08:09:03 - 5樓  回覆此篇留言回覆

【Jo回覆】
咁都應驗左呢!!
好搞笑!!

2009/9/9 上午 10:38:38 - 6樓  回覆此篇留言回覆

【joan回覆】
你估有冇人會訂番張送畀子華紀念下呀∼∼

2009/9/12 上午 03:16:29 - 7樓  回覆此篇留言回覆

【lily回覆】
好主意!!
不如一人一張, 後面寫名, 然後釘起一齊咁送比佢la...

2009/9/12 上午 10:15:25 - 8樓  回覆此篇留言回覆

【lawing回覆】
HEY
畫花銀紙犯法的XDDDDDD

雖然我見到張150既時候
都覺得應該要送張俾佢XDDDDDDDD
真係好好笑XDDDD

2009/9/12 上午 10:50:07 - 9樓  回覆此篇留言回覆

【lily回覆】
係wor...
咁唔知釘咗嘅$算唔算被損毀呢...
哈哈...

2009/9/12 下午 01:21:19 - 10樓  回覆此篇留言回覆

【lawing回覆】
哦,咁真係要用咪拆釘囉XDDD
平時都有好多銀紙係俾人撕開左,再用膠紙黏返架啦XDDD

唔知呢
我覺得
我地睇過佢PART1既嘩眾
睇到呢個新聞係多左野笑XDDDDD
PART 2呢個部份會變成點呢?好期待XDDDDDDDDDD

2009/9/12 下午 07:52:19 - 11樓  回覆此篇留言回覆

【RAIN回覆】
part1同part2有咩分別??佢之後cut左呢part咩???

2009/9/12 下午 11:26:55 - 12樓  回覆此篇留言回覆

【lawing回覆】
冇呀
加場隔左一個星期丫嘛
我自己話佢係PART2之嘛 XDDD

我自己估之嘛
之前未有150,緊係可以講1000釘8張100蚊啦XDD

2009/9/12 下午 11:29:25 - 13樓  回覆此篇留言回覆

【RAIN回覆】
係喎...之前講就話未出,,我地睇完覺得佢勁...

可能佢真係會cut左...

2009/9/13 上午 12:04:20 - 14樓  回覆此篇留言回覆

【企鵝回覆】
今日果場XD
子華,果然係神!

我等緊$2.4既面額XDDD

2009/9/14 上午 01:53:33 - 15樓  回覆此篇留言回覆

回覆此篇留言回覆此篇留言

留言作者/內容〈55〉

rihenna

分享一下,
show 裡面的歌詞真係好正
網上見到有人打左出黎, 不過係簡體字
我將佢變返做繁體同埋修改左少少


opening
回水歌
回水回水回水回水...
除褲除褲除褲
回水回水回水回水...
除褲除褲除褲...

回水回水回水回水回水回水回水回水回水回水回水回水回水
你買飛入場又要嗌回水 你嗌回水我就回水 真係一個傻女
你要睇除褲 你當我真係飲醉
我除完你又 嗌回水
(回水 回水 回水 回水)
我呢個show ge奇妙之處就係俾你嗌回水
因為呢個世界並冇回水呢個規矩
你選擇錯誤 唯有對住塊鏡0嘴
下次做野之前不如搵人睇睇風水
你買隻狗仔有6條腿 你問邊個回水
你有得開工冇得散水 你問邊個回水
Michael Jackson得五十歲 佢問邊個回水
我地鬼知 總之一齊嗌  回水
個show好好睇(回水)
個show唔好睇(回水)
回水就叫好睇啦(回水!)
嗌埋呢次正式開show! 1 2 three(回水!!)

上一篇傳記提到嘩眾取寵ge ending theme
當時聽完之後,真係十分鐘意
但可惜已經唔係好記得歌詞
但好彩地,比我係網上無意發現有人打左歌詞出黎
令我可以重溫一下...

ending
七步成歌--
呢個世界就係要你七步成詩
好短時間諗到點拆只系ABC
呢頭諗完果頭又拆 呢下先至乞衣
行得几步諗到ge野點會唔低B

所以話 做人最緊要係講轉數
但係日日係咁轉法 都唔到你唔躁
你想喱埋靜一陣 唔好太勞嘈
但係越嘈越旺就越有著數
唔係你ge年代你咪牢騷
食o岩你果期 你就最正宗
我係最叻geo靚模 你知我乜野CUP數
但係o靚左三個月 有人叫我做伯母
[收皮啦 煮豆燃豆萁 豆在釜中泣 本是同根生 相煎何太急]

一個人傻下傻下行到呢一度 行到呢一步
唔容易做到 
佢冇得罪你[放過佢啦]
佢得登踩你[你喝人啦]
總之為人地開心咪做下傻瓜
你又無謂逼我逼我做人渣
你問我做人究竟有冇底線?
我講埋最後呢兩句就即刻閃

中國人扎腳扎左一千年
個個著住一媽鳳爪好纏綿
一千年ge潮流 都係冇乜自由
黎到廿一世紀 要顧下人地感受
即系有人係香港養北極狗 你使唔使冬天仲同佢著摟?
過關唔好用搶指住我個頭 探熱係應該探蘿柚

 回覆此篇留言回覆   Hidden:   2009/9/8 下午 05:45:34  回覆:2009/9/8 下午 06:22:26  ()
【rihenna回覆】
唉啊~~唉啊~~唉啊~~
唔小心copy 多左d野
歌詞與歌詞中間戈段野大家唔洗理......

2009/9/8 下午 05:49:05 - 1樓  回覆此篇留言回覆

【企鵝回覆】
回味左一次七步成詩
好正......哇~

子華,我好掛住你呀!!!

2009/9/8 下午 06:22:26 - 2樓  回覆此篇留言回覆

回覆此篇留言回覆此篇留言

留言作者/內容〈54〉

Shake

大家覺唔覺得ENDING 隻歌好好聽~~ 好想再聽!!有無人有呀??

 回覆此篇留言回覆   Hidden:   2009/9/7 下午 08:55:56  回覆:2009/9/7 下午 10:25:02  ()
【lawing回覆】
有的話,即係盜錄
COME ON
等下啦~

即係有人係香港養北極狗
你使唔使冬天仲同佢著褸~
過關唔好用槍指住我個頭
探熱係應該探籮柚~! 
XD

GREAT LYRIC
GREAT SONG.

2009/9/7 下午 09:04:46 - 1樓  回覆此篇留言回覆

【企鵝回覆】
見到句"COME ON"
即笑左

2009/9/7 下午 10:11:19 - 2樓  回覆此篇留言回覆

【Shake回覆】
老闆娘~~ 你又啱WOR~~ HAHA
SORRY 心急咗!! 我會等GA!!

2009/9/7 下午 10:25:02 - 3樓  回覆此篇留言回覆

回覆此篇留言回覆此篇留言

留言作者/內容〈53〉

K.T.

其實我未睇子華呢個SHOW嫁....
我鍾意左子華好耐嫁啦>3<今次買到佢既飛我真係勁開心
(之前因為我排隊又買唔到,又唔想買黃牛,今次係勁好彩啦真係!!)
有幾個問題我想問的..........

我係9月16號睇子華,可唔可以送野比佢呢?(親手送比佢果隻)

子華今次個SHOW有咩賣?(諗住睇下帶定幾多錢去買子華既野)

我真係好開心可以買到子華今次既飛呀>3<

永遠支持子華!!

 回覆此篇留言回覆   Hidden:   2009/9/6 上午 01:09:22  回覆:2009/9/6 上午 02:52:23  ()
【yoccho回覆】
有2007年愈大鑊愈快樂既DVD +座枱月曆, 好精美架,最重要當然係隻碟啦^^。。。$120,買2隻有海報送,唔好錯過呀XDXD...好SALES FEEL^^

2009/9/6 上午 01:53:51 - 1樓  回覆此篇留言回覆

【K.T.回覆】
哈哈.....呢個我已經買左lu(之前買唔到飛,叫朋友去左買,點知加場我買到飛^^)
仲有無其他?

2009/9/6 上午 02:07:02 - 2樓  回覆此篇留言回覆

【yoccho回覆】
無lu, 我都想有其他野買^^

好好enjoy 子華今次個演出, 確實好精采, 超讚^^

2009/9/6 上午 02:13:24 - 3樓  回覆此篇留言回覆

【lawing回覆】
你乖啦
我仲有另一個板俾你留言
呢度會有SHOW既內容架
乖乖地,去返另一個板啦
我都會CHECK,我都會答問題的 :)

2009/9/6 上午 02:52:24 - 4樓  回覆此篇留言回覆

回覆此篇留言回覆此篇留言

留言作者/內容〈52〉

lawing

少少個人分享
我嘗試講下我睇到既野.



個SHOW講緊呢個時代好荒謬、物質主義、個人主義

一開始講金融
唔係第一次有風暴
點解都係會中招?
因為大家都冇吸收歷史
過去發生左又點,大家都冇去理,繼續錯落去,呢個就係現代既世界
自己對自己既選擇都無法把握
我地能否把握對社會既選擇,對政府既信任?

由投資態度轉落去愛情
古人同今人其實係冇分別
孔明娶黃阿醜,為既係勢力
現代一樣有男有女只為金錢而結合

紅樓夢講緊係痴男怨女
有好既你唔要,係要個麻煩既,唔適合自己既,但一齊左又要怨
黛玉葬花好戇居,即係同你投資既槓桿原理一樣,小事化大
佢既敏感係來自對生命苦短、愛情不幸既悲歎
現代人係機場磨地係來自對一時錯失既小事而不憤
再黎凱旋門痴男怨女
一個願打,一個願捱
港男港女嗎?
阿公阿婆都唔好得幾多
你以為愛情脆弱好新奇,其實係恆常.

再進一步講結婚
因為從來都只係講你要做乜
承諾好容易,因為大家都唔需要負責任
做唔到又點?做唔到唔會有報應丫嘛
婚姻不能成為社會中一個具有強大力量既約束

下半場
一開始講結婚離婚破產
3樣野,好慘,但係有價可算
淒涼3件事都不過係2千幾
點解咁唔值錢?

一開始講消費文化
帶落去講既係物質主義
我地基本上係冇咁既能力
但社會營造既氣氛係你應該追求物質
所以你係$6消費既報章中搵到追求最低60萬,最多600萬既名錶世界
你實際經濟能力如何不重要,最重要係你相信自己使得起
扣返上半部,其實就係解釋緊點解你唔知槓桿係乜你都要去投資
你冇錢,點追上時代步伐?
買車係進一步將呢個事實誇張,推到最荒謬
冇錢學人豪
豪唔起去投資
投資又唔識
破產有幾難?


去到呢度,佢提出一個問題
究竟呢個係點樣既時代?

婚前性行為、流出既相片
提出既係"道德"問題
你學人批評人家不道德,其實你自己又有幾道德呢?

色情影像講緊既係青少年沉淪於性既問題
科技發達令到色情資訊氾濫
睇得多,是非價值歪曲
於是黛玉果種心靈既敏感變成現代對視覺既追求
點解?眼見為證
你我無閒暇慢慢心靈交流
愛情膚淺,所以結婚係688
離婚488,更容易.

由色情影片引入去環保,批評政府
其實呼應返開首話佢信錯政府

生活充滿各種失意
但無法找人傾訴
因為人情淡薄
心靈感受幾乎零
於是科技再一次幫助人們
你可以有各種渠道表達你既想法
你可以有個人電台,你可以網上發表偉論
當你表達個人見解,自我同時膨脹
以為自己好特別,以為自己可以發現世界新事物,以為可以改變世界
事實上
技術上,科學令大家乜野都可以做
但係人既心靈追唔上科技
科技本來係幫助人
依家係科技凌駕於人
解釋左之前既愛情關係
即係愛情由最初既心靈維繫,變成肉體關係,再變成視像

接住係再進一步解釋子華點樣睇呢個時代
就係人類既進化令我地可以做到好多野
但我地因為好多既方便、好多享受、好多追求
而忽略左價值觀
個人享樂主意,由幸災樂禍既罵人片段體現
依家呢個社會既問題
就係我地覺得有好多野做得到,就係可以做
而呢個問題既根本

時代係不停轉變
但有D價值觀其實應該不變
只係我地從來都冇認真回顧歷史,一錯再錯
你係需要適應,你要應變,你跟隨時代既步伐,但你亦都要有批判
否則你會落入時代巨輪中既陷阱

引用網上一篇鬧男友既對白
除左係鬧得荒謬
其二都係講緊你鬧人同時,你有冇檢討自己
一個低賤得咁離譜既人,點解你都會要?

完場前
七步成歌
其實係講緊時代轉變好急速
你可以思考既時間根本唔多
你一定要有轉數,你一定要識應變
你先可以係社會上面生存
留意返歌詞的話
其實隻歌係總結全個SHOW既內容.




其實思想上係深過大鑊
同埋笑位都橫跨古今中外
我自己就好喜歡呢個棟篤笑了.....

 回覆此篇留言回覆 iceroom_su2009   Hidden:   2009/8/27 上午 03:10:42  回覆:2009/9/6 上午 02:50:45  ()
【版主回覆】
 
呢個show好多野可以講
例如呢個show其實係可以link返到佢之前10個show的
除左佢講到明既number降同埋勞力士
其實仲有好多位都可以link返
例如講係酒店問呀強"你果層定我果層"
就係色情家庭入面佢識到個女仔,問"去你度定我度"
當然佢用法唔同左,笑位係有變
仲有好多位都可以搵到20年來的線索
遲d有精神再詳談


我諗
呢個show係思想上,或者係取材上都係深過大鑊
觀眾對社會既認知、文化素養、思考靈活程度
都會係能否解讀內容既關鍵
每一個topic都識既話
我覺得呢個show係勁到癲
咁當然可能又會有人覺得老少咸宜淺d好d
但我覺得大家想點zek
4面台係咁架啦,總有一面睇唔到
要求不是無止境的
事實上
係show入面
dayo都表達左佢既感受
就係大家對佢有好大既期望
你要求好笑
你又要求有意思,可以感動到你
其實我覺得外界對佢好harsh

咁當然我自己就覺得事實係人人都對世界所有事好harsh
永遠都不能滿足
正因為咁,所以人生存都只係悲觀灰爆
anyway

我暫時分享到呢度....
【雪回覆】
哇, 老板娘真係好勁...
今次個show係深過大鑊果個,
有啲位都真係要諗下先會明囉,
今次睇得1場咋, 好在仲有老板娘既分析...
^3^

2009/8/27 下午 10:24:04 - 2樓  回覆此篇留言回覆

【lawing回覆】
點解會係我勁
你應該話,dayo真係好勁
我只係解讀
dayo先係諗果個~ :)

2009/8/27 下午 10:48:46 - 3樓  回覆此篇留言回覆

【allytsang回覆】
老闆娘果然係一個好好的導賞員XD
我最愛子華這個SHOW對古人經典的解讀,我真係好欣賞子華的文學修養XDD
我想這個SHOW對我來說, 並不是不好笑,而是睇完SHOW後,我心中亦都有好多對人生的問號?我都很想問點解?
Anyway, 我都覺得我可能對子華有太高的要求,當看到有以往show的內容,一方面覺得子華在自己的基礎上變出新意, 但另一方面又想看他更不同的想法/表達方法
哈哈, 我希望把子華20年來的棟篤笑重溫一次(我家中有齊,除了殺出廚房XD), 好讓我更享受這個SHOW, 但奈何工作纏身, 我現在只重溫了娛樂圈血肉史,什麼時候睇到大鑊?
我夠買碟, 點解無得送POSTER?點解?怨念中......

2009/8/27 下午 11:45:40 - 4樓  回覆此篇留言回覆

【雪回覆】
Dayo係諗果個, 勁爆啦...
老板娘既解讀, 都勁勁啦...XD...

2009/8/28 上午 09:58:46 - 5樓  回覆此篇留言回覆

【dimsum回覆】
"好多野都做得到, 唔代表好多野你可以做"
的確, 太點題了 >w<~*
經過樓主一番總結, 再回味昨天的內容, 令我更愛這個show了 >w<~*

2009/8/28 上午 10:50:59 - 6樓  回覆此篇留言回覆

【rihenna回覆】
琴晚睇完, 心情到而家都未完全平復
子華真係太強了!!
個show 的確係有d深, 有d箇中ge含意我原本都未諗得明
但睇完老闆娘ge解說後就明白多了... 更覺子華ge利害
好後悔點解唔買多一場飛, 而家只有等出碟先可以重溫了

2009/8/28 下午 12:07:11 - 7樓  回覆此篇留言回覆

【Sharon回覆】
個show 既內容深D
睇完都仲是個句, 子華既棟篤笑從來都是值回票價,正確一點是超值

第一次冰室朋友一齊睇show, 非常開心
亦都是同第一次同朋友睇show
我上年送左2隻冇炭用畀2個未睇過子華棟篤笑既朋友
OK, 我是好衰咁故意送隻碟畀佢地睇, 純粹想哄佢地今年去現場睇show
最後得個女仔有睇過隻碟, 個男仔是冇睇過
但是佢2個都肯去現場睇, 睇之前個男仔仲以為我又哄佢去睇舞台劇-_-
(可能是我上次哄左佢去男磨坊)
睇完之後, 佢地回應都是正面
個女仔仲讚子華一出來個look 好型tim (唔怪之得開show 個陣, 佢無端端攞部相機出來偷影la)

好認同老闆娘話"今次個show 成個SHOW真係可以搵到過去20年10個棟篤笑既痕跡
但佢唔係翻炒,用得返既野都係講緊一D新既CONCEPT"
亦明白點解子華會話希望每次開show 好似是一起參加嘉年華會咁
"過去20年10個棟篤笑既痕跡"就好似是老朋友既暗號咁
真是舊朋友先知, 好有親切感同令人感動

"嘩眾取寵"真是好貼題
港女個男友咁錯相機制明明只是一件小事, 但是點解她的反應卻這樣大??
孔明結婚個part 令我想起今年港台有個電視節目是講內地的入贅女婿
其中有一個男人是講他自己是叻人, 遲早都會成功, 而透過婚姻介紹所介紹的有錢老婆,
再入贅女家只是一個令他更快取得成功的方法
有時婚姻都只是一場交易, 坦白講真是令人心寒

結婚離婚破產都可算得上是人生的重要事, 在金錢上/價格上來說卻是微不足道的小事
黛玉葬花, 機場AR嬸同凱旋門痴男怨女都是小事化到無限大
點出左人面對不如意事總是怨天尤人, 怨人但不會反省下自己
別人永遠都是錯個個, 自己講咩都是岩
同埋怨天尤人, 怨人都是好消極的做法
又有D 10下10下個ending 同大鑊既25仔既feel
黛玉明明是小病, 但好似有絕症咁
其實只是小事, 卻好似是世界未日咁
做咩要搞到自己為左D小事而不開心呢?

金融風暴或者說是經濟循環, 人是没有吸收歷史的教訓, 更重要的是重挫後, 人們仍舊抱有不勞而獲的心態, 我們的售樓書仍舊是天馬行空...

互聯網個part 呼應返大鑊, 反映出人是在現實冇自我
在互聯網就太自我, 但腦缺腦, 縱使教育水平高, 但不識思考
價值觀同道德都是欠缺, 只是識盲目追求物質成就同埋享受, 不會理人, 只在乎自己
好似全世界都為自己而生存咁
講真電台男失戀, 真是需要全世界都知咩?好重要架??

以為做得到=可以做
真是可悲
對錯的價值觀去左邊?

科技同互聯網明明是幫助人, 可以拉近人與人之間的關係同減輕人的工作等
可惜久而久之, 人們只是活於一個物質, 知識同選擇等都是非常富足, 但心靈卻是異常脆弱, 獨立思考變成隨波逐流...

2009/8/30 下午 04:02:22 - 8樓  回覆此篇留言回覆

【zaxann回覆】
HIH~好耐好耐好耐無同大家SAY HI喇~
啱啱睇完子華個SHOW~一個字<<<<<<<<正>>>>>>>
子華一身型爆嘅造型就已經震撼我心深感.....(無得彈........)
開SHOW前咪有播一段錄音嘅.....最鍾意果句:呃飯食!HAAAAAAAAA(我老細成日都咁話我架^^我諗我都有必要反省下LOR)
呢個SHOW帶出嘅信息係有D深(我覺得HEAVY D TIM),都冇d咩口頭憚俾大家會心微笑下,不過呢D問題都圍繞住我地身邊而每月每日咁循環發生...暫時我都仲要D時間消化下子華帶俾我地嘅信息~
子華例出好多表面看似簡單直接嘅生活點滴出嚟...寫日記,錄影,偷拍,寫BLOG...(太多太多...)人類們真係需要好好思考下自己對呢個世界做過D咩LOR~係咪做到嘅就係可以做架呢?

當然仲有D比較SOFT嘅笑位.....單手飛機司,法國凱旋門爆粗港女,餐旦麵相片...都係一絕~
子華仲唱多左D改左歌詞嘅口水歌仔,當中比較喜歡佢LAST果首RAP...加上全場觀眾拍手打拍子...HIGH到頂點~

其實仲有其他笑位AND信息...不過睇完SHOW後心情及思緒仲未調節正常,等我冷靜下先...(子華D功力真係掂!)遲D再上嚟~

2009/9/1 上午 01:54:43 - 9樓  回覆此篇留言回覆

【lawing回覆】
推POST...
好多朋友話係各大FORUM、NEWSGRUOP同埋BLOG見到我篇文既蹤影
好開心

唔係開心自己既文字多人睇
而係開心我既文字能夠令大家更明白個SHOW、更感受到個SHOW既威力

呢篇文
其實係極度眼訓既情況下寫
你地知道
我迎年評親DAYO既野,我都唔會用口語
我想正經D…
所以呢篇文,其實我冇乜特別去組織、冇特別去修飾

遲D有機會,我會再作整理
但無論如何
你地如果好想同其他人分享
我歡迎轉貼的
但寫返明係我寫,或者係來自子華冰室就OK了
唔係小氣
不過都真係有心血咁去寫

嗯,想轉貼的話
唔使再EMAIL我了
拎去吧 :)

2009/9/6 上午 02:50:46 - 10樓  回覆此篇留言回覆

回覆此篇留言回覆此篇留言

留言作者/內容〈51〉

yoccho

我自問好眼淺,睇完老闆娘篇感受,我哭了...

記得子華在志雲飯局講過,佢覺得自己有些fans很殘忍(引述了有觀眾在他演出時大叫女朋友,當時他正為感情事而傷痛,人盡皆知...),尤記得當時聽了心很痛,很難想象有人會做出這樣殘忍的事,還要是對一個如此有才華的楝篤笑演出者, 他可是香港第一個敢於作如此大膽演出的人,而且表現出色、很成功,每每從2個多小時的演出中,帶出很多深層次的人生哲理和七彩紛陳的社會百態,為什麼大家不好好珍惜?

想不到2年後的今天,又再看到有人做出不禮貌和不尊重子華的行為,還要是披著fans的外衣,很恐怖呀!看後又有那種心痛的感覺。希望子華不要介意,社會上總有不同的人,有的人就是這樣,永遠覺得自己是世界中心,從不為他人著想,只是正巧他是子華的fans而矣!每個藝人或藝術工作者總難免會碰到一些這種fans,但願沒有影響子華慶祝生日的美好心情吧!

很高興這裡有老闆娘及這麼多愛護子華的人,而且是抱著很認真很用心的態度去看待他的每一次演出,日後真的要多多上來這兒坐坐,這間冰室確實讓人樂而忘返^^

 回覆此篇留言回覆   Hidden:   2009/9/6 上午 02:11:54 ()

共有 5233 / 無限制 條留言  1 2 3 4 5 6 7 8 9 10 下一頁    搜尋:

今日人氣:6 • 累積人氣:39896 • 線上人次:1


Tovery留言板提供一般大眾免費申請,這個留言板所有的貼文與內容皆與Tovery無直接或間接關係
若您發現這個留言板的使用者非法使用或濫用Tovery的服務,請至 進行檢舉與申訴
© 2024 Tovery.net.